شعبہ سائنس کا، ڈگری آرٹس میں

فرض کریں، اخبار میں ایک ملازمت کا اشتہار ہو جہاں سائنس میں گریجویشن کرنے والے افراد درکار ہوں۔ وہاں ایک شخص پہنچے اور کہے کہ اس نے گریجویشن تو فنون (آرٹس) کے مضامین میں کیا ہے لیکن میٹرک سائنس سے کیا تھا۔ کیا ایسا شخص اُس ملازمت کے لیے اہل ہوگا؟ ہرگز نہیں۔

لیکن قربان جائیے جامعہ کراچی پر، ایسی صورتِ حال ہے کہ دل اش اش کر اُٹھے۔ کسی شعبے کا چیئرپرسن بننے کے لیے ضروری ہے کہ امیدوار ڈاکٹر (یعنی پی ایچ ڈی یافتہ) اور پروفیسر کے عہدے پر فائز ہو۔ اب حال یہ ہے کہ شعبہ ہے سائنس کا اور چیئرپرسن صاحب نے اس شعبے میں ماسٹرز کرنے کے بعد پی۔ایچ۔ڈی کرلی ہے اسلامک اسٹڈیز میں اور اس پی۔ایچ۔ڈی کی بنیاد پر وہ پروفیسر بن کر چیئرپرسن کے عہدے پر فائز ہوگئے۔ جنابِ والا اتنے ہی قابل تھے تو اپنے شعبے میں ڈاکٹریٹ کرنے کا شرف کیوں حاصل نہ کیا؟