Have an ICE day

جس شدت کی گرمی ان دنوں شہرِ کراچی سمیت پاکستان کے بیشتر حصوں میں پڑرہی ہے، اس نے اچھے اچھوں کا حال خراب کررکھا ہے۔ اس پر مستزاد بجلی کا غائب رہنا۔ عام طور سے کراچی میں ایک ایک گھنٹے کے لیے تین مرتبہ بجلی جاتی ہے لیکن کچھ علاقوں میں ڈیڑھ ڈیڑھ گھنٹے کے لیے تین سے چار مرتبہ بجلی غائب رہتی ہے جن میں سے ایک ہمارا علاقہ بھی ہے۔ :devil: ٹی20 ورلڈکپ میں پاکستان کے میچز کے دوران K.E.S.C نے اپنا وعدہ نبھاتے ہوئے بجلی بند نہیں کی لیکن کل پاکستان کی سیمی فائنل میں شکست کے بعد ہم سے ایسا بدلہ لیا گیا جیسے شکست کے سب سے بڑے قصوروار ہم لوگ ہیں۔ :ops: پہلے رات چار بجے کے قریب بجلی بند کردی تو ڈیڑھ گھنٹے کے قریب بند رہی اور ہمارا محنت کا پسینہ بستر اور تکیہ بھگوتا رہا۔ اس کے بعد صبح آٹھ بجے کے قریب بند کی تو پونے دس بجے عطا کی۔

آج صبح جو ایک نے مجھے ٹیکسٹ کیا: ’’Have a nice day‘‘ تو جواباً اسی میں معمولی سی تبدیلی کے بعد میں نے لکھا: ’’Have an ICE day‘‘۔